原野论坛-原野无边-我被冻亲！（小记一次“暴动”）

收藏本页
联系我们
论坛帮助

>> 自助旅游攻略、游记、见闻、相片。

原野论坛 → 原野户外 → 原野无边 → 我被冻亲！（小记一次“暴动”）

您是本帖的第 418 个阅读者

标题：我被冻亲！（小记一次“暴动”）	树形打印收藏推荐

    等级：新驴上路
    文章：25
    积分：85
    门派：逍遥派
    注册：2004年12月11日

	楼主

我被冻亲！（小记一次“暴动”）
开始写（时间系公元两千零四年十二月十三日下昼六点零七分）。

　　大概二十四个小时之前，我已经瞓着左。

　　原因有三：

　　第一，我背住个五十升嘅背包行左好多路：从屋企坐车去到邕宁县城，从县城穿稻田过溪流，跨牛屎跳坑渠，翻山越岭披荆斩棘，终于去到仙葫乌龟山，傍水扎营；

　　第二，我在好鬼冻嘅邕江水中裸泳（因为无带多余嘅内裤，更无泳裤，同时亦都唔想无内裤着），结果小脚肚抽筋，无办法煮嘢食；

　　第三，出发前，我啱啱收大夜班，一晚无瞓。

　　出于以上三个客观原因，我就瞓着左。

　　直到我俾我个叻仔表弟在帐蓬外边“呀！”一声之后（改编之王菲首唱歌曲《哗一声之后》），我再次回到人间。

　　我又要打救一位受困的世人了。

　　事情嘅发生俾左我地一个坏消息同埋一个好消息：坏消息系我个叻仔表弟点着火之后，把火机摆响火堆身边，导致火机走火自杀成仁；好消息系我带出来嘅另一只火机有左用武之地。

　　可惜，它的液化汽已经所剩无几。

　　好在，我地在第一团火熄灭之前，煮左两碗面同一罐水，所产生热量足够我地挨过寻晚。

　　无电脑无音乐无杂志……除左再次去瞓觉无野好做。

　　半夜，被冻醒！！攞命！！我个叻家表弟打开外帐，再打开内帐用来睇星星个天窗，俾Ｄ寒风夹着寒露，兜头兜面咁打来～～

　　佢居然仲同我讲：我对脚比你对脚暖好多！

　　……

　　凌晨四点半，帐篷里边冰天雪地，因为我地两个人只得一张防潮垫一条中空棉睡袋。就算我地着晒所有可以着嘅衣物，仍然俾冻到不停咁打震。于是，我地决定出外边烤火。

　　天上有好多好多明亮嘅星星，就好似江水对面碧丽山庄施工工地上万千盏永不灭的灯；我地可以听到草丛中有好多好多虫虫正在鸣叫，就好似我地可以清楚地听见江水对面公路上奔流不息嘅车流的马达声。

　　我是失落的，唔系因为我呢个叻仔表弟处处制造嘅麻烦，而係因为呢一座几个月前仲系松林繁茂白鹭翻飞夕阳醉人嘅乌龟山，依家只剩低一棵孤零清嘅大树，无比伤感地站在秃秃的山坡上。而在我们一路走来的途中，可以见到在一些山坡上，到处都係人，他们正在疯狂地斩山头上那些不足手腕粗嘅松树。

　　我地烤左两个几钟嘅火，间中煮咗一包面，两个人分来食。有火烤有面食，成身都庆合合。

　　但是我依然冻亲，唔知为乜！！

——————————————————————————————————
名词解释：
暴动：暴走行动的简称。通常系指在市郊范围内猛咁走嘅行为。时间通常为１到２日，间中穿插裸泳、钓鱼、野炊、野营等节目。

[此贴子已经被作者于2004-12-13 19:07:25编辑过]